Nagdangat sa masobra P500,000 ang balor sag suspected shabu nga narecover gikan sa anom pa persona sa drug buybust operation nga ginpatigayon sa Purok Lubi, Barangay 3, Bacolod City, alas-12:48 kaina sang kaagahon.
Ang mga suspect ang ginkilala nga sanday Alyas Mar, 40 anyos, (high value individual) residente sang Prk Mainuswagon, Brgy. Sampinit, Bago City; Alyas Leo, 49 anyos, residente sang Prk Lubi, Brgy. 3, Bacolod City; Alyas Clint, 23 anyos, residente sang Hda. Consolacion, Brgy. Guinhalaran, Silay City; Alyas Aaron, 19 anyos, residente sang Hda. Consolacion, Brgy. Guinhalaran, Silay City; Alyas RL, 32 anyos, residente sang Purok Yanson 1, Brgy. Eroreco, Bacolod City; kag Alyas Rodart, 46 anyos, residente sang Hda. Consolacion, Brgy. Guinhalaran, Silay City lunsay mga single kag wala sang trabaho.
Ang operasyon ang ginpatigayon sang City Drug Enforcement Unit sang Bacolod City Police Office (BCPO-CDEU).
Narecover sa anom ang isa ka knot tied plastic sachet kag 17 ka sachet sang suspected shabu nga ginabanta nagabug-at sag 80 gramos nga may standard drug price nga P544,000.
