Nangin matawhay kag malinong ang pagselebrar sang paskwa sa ciudad sang Bacolod.
Sa interview sang Bombo Radyo kay Police Captain Andro Ma-apni, Spokesperson sang Bacolod City Police Office, sa assesment sa natapos nga selebrasyon sang paskwa, wala sang may narekord nga insidente.
Suno kay Ma-apni, ginkalipay sang mga kapulisan nga namentinar ang katawhayan sang ciudad sa adlaw sang Paskwa.
Suno diri, wala sang may narecord nga insidente sang palupok.
Ginpahanumdom sini sa mga nagaselebrar nga kun makainom sang makahulubog nga ilimnon, indi nalang gid magdrive agud nga malikawan ang aksidente.
Ginpahayag ni Ma-apni nga hugot ang seguridad sang kapulisan kun sa diin 50 75 posryento ang naga-monitor sa ciudad ilabi na sa ginapaabot nga bag-ong tuig gani ginapangabay sini ang kooperasyon sang tanan agud nga mangin matawhay ang pagsugata sa Bag-ong Tuig.
