Lakip sa prayoridad sang Gasataya Administration sa 2026 ang pagtukod sang Mobile Digital Learning Center.
Sa interview kay Bacolod City Mayor Greg Gasataya, ginatun-an pa nila kun pila ka mga Mobile Digital Learning Center ang kinahanglanon sang ciudad kag kun ano ang mga nagakadapat ibutang kaangay sang computers ukon libro.
Ang programa ang patigayunon sa koordinasyon sa Department of Education.
Pinaagi sini, malibot ang tagsa ka Barangay sa Bacolod kag mabuligan ang mga kabataan nga mahatagan sang basic teachings partikular na ang pagbasa kag pagsulat.
Ini bangod sa nakita nga paghuyang sa comprehension indi kaangay sadto nga sa pagtapak sa Grade 2, ang mga kabataan ang nakahibalo na magbasa kag magsulat.
Ang proyekto ang nagasuporta man sa ordinansa nga napasar sa Sangguniang Panlungsod nga nagarequire sa pagbutang sang reading corner sa tagsa ka mga Barangay.
