Wala ginakahangawa ni President Ferdinand Marcos Jr. ang pagnubo sang iya approval ratings.
Suno kay Palace press officer Claire Castro, kun ang rason sang pagnubo sang ratings sang Presidente amo ang iya padayon nga pagduso sang imbestigasyon sa mga anomalya sa flood control projects, wala na ini ginakabala sang Presidente bangud ginahimo lamang sini kun ano ang husto.
Gindugang pa ni Castro nga ang Presidente ang nagsugod sang imbestigasyon gani ini ang iya tapuson apisar nga madamo nga mga pulitiko kag mga dalagko nga mga persona ang maapektuhan.
Nahibaluan nga nakarecord si Marcos sang 48 percent nga disapproval rating sa survey nga ginpatigayon sang Disyembre, nga mas mataas kun ipaanggid sa narekord sang Setyembre.
Samtang, ang approval ratings ang nagsaka sang isa ka porsiyento nga nagin 34 percent samtang 18 percent naman sa mga respondents ang nagapabilin nga undecided.
