Nagtaliwan na si former Bangladeshi Prime Minister Khaleda Zia sa edad nga 80.
Ini ang ginkumpirmar sang iya partido nga Bangladesh Nationalist Party (BNP), apang wala na ginpahayag ang rason sang iya kamatayon.
Nahibaluan nga siya ang una nga babayi nga na-eliher bilang prime minister sang Bangladesh.
Nagapangatubang ini sa nagkalain-lain nga kaso sang kurapsyon nga iya man nga ginpanginwala kag ginpahayag nga pamumulitika lamang ang motibo.
Sang Enero 2025, gin-absuwelto si Zia sa pinaka-ulihi sini nga kaso sang korapsyon.
Matapos mahilway gikan sa pagkapriso bangud sang iya balatian sang 2020, ginhingyo sang iya pamilya kay former Prime Minister Sheikh Hasina nga tugutan ini nga makapabulong sa iban nga pungsod, apang siya ang ginbalibaran.
Nangin prime minister si Zia sang 1996 kag nagbalik sa puwesto humalin sang 2001 tubtob 2006.
Sa iya termino, napalibutan ini sang nagkalain-lain nga kontrobersiya.
Pagkatapos sang 15 ka tuig nga pagdumala, ginpapanaog siya sa pwesto paagi sa lapnagon nga mga protest-rally sang Agosto 2024.
