Ginpahayag ni Batangas 1st District Rep. Leandro Leviste nga nagpangayo sang pasaylo ang Office of the Ombudsman matapos nila nga ginpahayag nga limitado lamang ang kopya nga iya ginhatag may kaangtanan sa “Cabral files.”
Suno sang mamalidha, nangayo sang pasaylo ang staff sang Ombudsman sa iya samtang ginpahayag ni Assistant Ombudsman Mico Clavano nga wala siya ginsugo sang mas taas sini agud nga maghatag sang amo nga video message.
Ginpatuhoy ni Leviste ang isa ka video statement nga gin-post ni Clavano sang Disyembre 29 nga nagasiling nga indi lamang si Leviste ang nagpalapit sa ila opisina nga nagahambal nga may ara sila sang mga kopya sang Cabral files.
Ginpahayag man sang Assistant Ombudsman nga limitado lamang ang ginpresentar ni Leviste kag indi ang bilog nga set sang files nga yara sa iya.
Nauna na nga ginpahayag ni Leviste nga indi upod si Clavano sa pagpakigkita sini sa Office of the Ombudsman sang iya ginturn-over ang mga dokumento nga yara sa iya.
Suno sa iya, ang agenda sang pulong ang nakatuon sa mga proyekto ni CWS Party-List Rep. Edwin Gardiola sa una nga distrito sang Batangas, kag siya mismo ang nag-inisyar nga hisgutan ang bahin sa Cabral files.
Dugang pa, daw wala sila sang interes sini kag wala na siya ginbalikan matapos ang nasambit nga pagkitaay.
