Naghatag sang pahanumdom ang Bureau of Fire Protection ( BFP) sa ciudad sang Cadiz kadungan sa pagsug-ulaw sang bag-ong tuig.
Sa interview sang Bombo Radyo kay Fire Inspector Archie Espanio, Acting City Fire Marshal sa Cadiz City Fire Station, base sa assessment nila wala pa sang may na-record nga insidente ukon mga nakumpiskar nga mga illegal nga palupok sa pila ka baligyaan sa nasambit nga lugar.
Ini matapos ang pila ka adlaw nga pag-tsekyar kag pagbantay sang mga otoridad sa pila ka baligya-an sang mga palupok.
Suno diri nagasunod man ang mga nagabaligya sa kun ano ang ginapatuman kag ginadumilian sang otoridad.
Suno diri, padayon tubtob subong nga adlaw, Enero 1, una nga adlaw sang bag-ong tuig ang pag-monitor sang Cadiz City Fire Station kaupod man ang mga kapulisan kasunod sa pagpaidalom sa “Red Alert Satus” subong nga holiday season agud nga masiguro ang seguridad sa lugar.
Mensahe sini sa pagsag-ulaw sang bag-ong tuig nga indi pagpauyaton sa kun ano nga mga delikado nga palubok ang mga kabataan kag ginapangabay man sini ang safety sang tanan.
