Sa Homily ni Rev Fr Chris Gonzales, ang Kura Paroko sang Triumph of the Holy Cross Parish sa ginpatigayon nga New Year’s Eve Mass gin-emphasize sini nga ang mga amay ang dapat manguna sa paggiya sang iya nga pamilya kag magpangamuyo.
Suno kay Gonzales nga dapat ang mga amay mangin maayo nga ehemplo para sa iya nga pamilya.
Dugang pa sini nga dapat ang isa ka tawo ang kabalo magpangayo sang katahuran kasubong man magpasalamat.
Ini bangud ang tawo nga kabalo magtahod kag magpasalamat ang mahapos nga buligan.
Suno pa diri, kabalo man dapat ang tawo nga magpangayo sang pasaylo kun kinahanglanon.
Nagpasalamat man ini nga nalampuwasan ang tuig 2025 sa pihak sang mga pagbaha, linog kag pagpangawat sang mga corrupt nga nagapungko sa gobyerno.
Nagpangamuyo man ini nga kabay nga padayon nga bendisyunan sang Ginoo ang mga katawhan subong nga 2026.
