Lalaki, na-igo sang kilat sa una nga adlaw sang bag-ong tuig sa ciudad sang Escalante

Patay ang isa ka 43-anyos nga lalaki matapos nga ma-igo sang kilat sa sulod sang iya balay sa Purok Toril, Brgy Jonobjonob, Escalante City, Negros Occidental alas-6:00 kahapon sang aga, Enero 1, 2026.

Sa impormasyon ng nakuha sang Bombo Radyo, ginkilala ng biktima nga si Jinus Telebrico, kasado kag residente sa nasambit nga lugar.

Nahibaluan nga makusog ang ulan kag nagapangilat kag nagapanaguob sang hinali nga na-igo sang kilat ang balay nga direkta man nga nag-igo kay Telebrico.

Bangud sa impact, nag-agom sang seryoso nga samad ang biktima nga nagtuga sang gilayon sini nga kamatayon.