Ginakabig sang gobyerno ang disinformation kag misinformation bilang mga seryoso nga pagtilaw kag hangkat nga gina-atubang sang pungsod Pilipinas pag-abot sa moderno nga piniliay.
Ini ang bangud sa plano sini nga pagpang guba , magpalapta sang kabutigan kag direkta nga makaapekto sa resulta sang election.
Suno kay COMELEC Spokesperson Director John Rex Laudiangco, ang pamahog sang mga deepfakes kag AI-manipulated content ang tuman pa nga naglala kag mas peligroso para sa nagahilapit nga 2026 elections.
Ang peke nga mga video kag kaundan nga himo sang artificial intelligence ang mahimo gamiton agud nga patalangon ang publiko kag manipulahon ang opinyon sang mga botante.
Nagapakig-angot na ang COMELEC sa mga organisasyon sang media kag mga technology company para kakason kag dulaon ang mga dummy accounts kag fake accounts nga nagapalapta sang disinformation online.
