Nagperform ang Filipino singer nga si Marcelito Pomoy para kay U.S. President Donald Trump sa New Year’s Eve Party sini nga ginhiwat sa Mar-a-Lago estate sang Palm Beach, Florida, USA sang Disyembre 31.
Sa social media post, ginpakigbahin ni Marcelito ang mga litrato kaupod sanday Trump kag First Lady Melania Trump nga may caption nga “No more words are needed”.
Naka-istoryahanay man ang mga ini kadungan sang event.
Ginperform ni Marcelito sa event ang classic nga ambahanon nga “The Prayer.”
Madumduman nga nagsikat si Marcelito sa Pilipinas matapos magdaog sa ikaduha nga season sang “Pilipinas Got Talent” sang 2011.
Una na ini nga nakilala sa luwas sang pungsod bangod sa iya “golden female voice” sa “The Ellen DeGeneres Show” sang 2018.
Sang 2020, nakasulod man ini bilang 3rd runner up sa America’s Got Talent: The Champions.
