Ginrelieve si Police Col Criscente Tiguelo, bilang Provincial Director sang Negros Oriental Police Provincial Office epektibo subong nga adlaw, Enero 12, 2026.
Ini kasunod sa nagluntad nga shooting incident sa banwa sang Sibulan kun sa diin napatay ni Police Staff Sgt Bonifacio Saycon ang Guest Relations Officer (GRO) nga si Chiela Mae Dinawanao sang Enero 9 nga nasundan pa sang pagpatay sini sa tatlo ka pulis, kalakip ang hepe nga si Police Captain Jose Edrohil Cimafranca kag sanday Police Senior Master Sgt Tristan Chua kag Patrolman Rey Albert Temblor.
Sa interview sang Bombo Radyo Bacolod kay Police Regional Office – Negros Island Region Spokesperson Police Lt Col Joem Malong, ang pagrelieve ang kabahin sang command responsibility sang Philippine National Police, sa tinutuyo nga mapabilin ang pagsalig sang publiko sa patas nga imbestigasyon sa kaso.
Suno diri, gindesignar bilang NOrPPO officer-in-charge si Police Colonel Lito Patay, nga Deputy Regional Director for Operations sa PRO-NIR.
Suno kay Malong, ang pagrelieved kay Tiguelo ang tikang nga ginhimo samtang padayon ang imbestigasyon.
Samtang, gindesignar naman bilang officer-in-charge si Negros Oriental Police Provincial Office deputy provincial director for operation Police Lt Col Jul Mohammad Jamiri sang Sibulan Municipal Police Station.
