Nafinalize na ang schedule sa pagkolekta sang basura sa ciudad sang Bacolod.
Sa interview sang Bombo Radyo kay Councilor Homer Bais, chairman sang Committee on Environment and Ecology sa Sangguniang Panlungsod, may yara na sang schedule nga naplastar ang International Solid Waste Integrated Management Specialists, Inc. (ISWIM) apang may proposal nga ginpasa ang mga Barangay amo nga may yara sang revision.
Suno diri, dako ang changes nga ginhimo sang ISWIM kun ikumpra sa schedule sadto sang IPM Construction and Development Corporation.
Suno kay Bais, sa karun indi pa ma-assess ang isa ka semana nga pagkolekta sang basura sang ISWIM bangod naghakot lamang sila sang bilin nga basura sang IPM.
Apang sa karun amat-amat na nga mabalik sa normal ang garbage collection.
Samtang, nagpaandam naman si Bais nga kun mafinalize na ang tanan, may yara sila sang ipaggwa nga implementasyon sa pagdakop sa mga nagahaboy sang basura nga indi insakto.
