Patay ang 73 anyos nga mangunguma matapos mabungguan sang motorsiklo samtang nagatabok sa dalan sa Prk Ikalina, Brgy Guintorilan, Valladolid, Negros Occidental.
Sa inisyal nga impormasyon sang Bombo News Team, ang motorsiklo ang nagabyahe sa north to south direction gikan sa Brgy Ayungon, Valladolid padulong sa Brgy Sibucao, San Enrique.
Apang pagdangat sa lugar, nabungguan sang motorsiklo ang biktima nga nag-angkon sang patal nga samad sa ulo, samtang may mga injuries man nga naagom ang driver.
Ang motorsiklo ang gina-alegar nga nagazigzag na ang dalagan antes pa sini mabungguan ang tigulang.
Ang pedestrian ang natumod nga residente sa Prk Million Flower, Brgy Guintorilan, Valladolid.
Ginhingagaw pa dala sa Valladolid District Hospital ang duha, apang gindeklarar nga dead on arrival ang senior citizen.
