Nagpirma na sa memoradum of agreement ang mga akalde sang anum ka Local Government Unit sa probinsya sang Negros Occidental sa pagbaton sang financial assistance gikan sa Malacañang.
Madumduman nga naghatag sang P50 million ang Malacañang para sa pito ka LGUs nga tuman nga naapektohan sang bagyo TINO sang Nobyembre 4, 2025.
Sa interview sang Bombo Radyo kay Negros Occidental Provincial Administrator Atty. Rayfrando Diaz, nagdesisyon si Governor Eugenio Jose ‘Bong’ Lacson nga tungaon sa mga affected LGUs ang assistance kun sa diin ang LGU nga tuman nga nahalitan ang makabaton sang P10 million kag ini ginalakipan sang banwa sang La Castellana, Moises Padilla, kag ciudad sang La Carlota.
Samtang, ang ciudad sag Bago kag banwa sang Binalbagan naman ang makabaton sang P5 million kada LGU kag ang banwa sang Isabela kag Pontevedra makabaton sang P2.5 million kada LGU.
Suno kay Diaz, ginahitso na lang ang pag-issue sang cheque agud mahatag na ang budget sa mga LGUs.
Pahayag sini, ang pagtunga sang P50 million nakasanto sa report sang mga LGUs sa halit sang bagyo sa ila lugar.
