Pilason ang isa ka babayi matapos ginluthang sang iya nga live-in partner sa Prk Masinadyahon, Brgy 12, Bacolod City subong nga aga.
Sa inisyal nga impormasyon sang Bombo News Team, ang biktima ang ginkilala nga si Danica Labaja, samtang ang suspect ang ginpahayag nga si Mark Joseph Ilalim.
Ang duha ang ginapahayag nga nagarenta lamang sa lugar kag binulan pa lamang ang ila nga relasyon.
Suno sa mga kaingod, masami nga naga-away ang duha.
Apang sini nga aga, samtang naga-away ang duha, may isa ka lalaki nga ginapahayag tuyo kuntani nga magtambag.
Bangod sa kaakig sang suspect, gintiro sini ang lalaki, apang ang iya nga nobya amo ang naigo sa natuo nga abaga.
Ini ang gindala naman sa ospital kag natalana nga ipaidalom sa operasyon.
Samtang ang suspect ang nagsungka naman sa Bacolod Police Station 1.
Padayun pa sa karun ang imbestigasyon sang kapulisan sa insidente, kag ang mga natipon nga impormasyon ang subject pa sa kumpirmasyon.
