Nagpaandam ang Philippine Institute of Volcanology and Seismology sa pag-aligmat bangod sa nagasaka nga aktibidad sa sulod sang Bulkan Kanlaon.
Ini matapos sang pagtaas sang narecord nga volcanic earthquakes kag ash emissions sa bulkan.
Sa interview sang Bombo Radyo Bacolod kay Phivolcs Director Teresito Bacolcol, sang Enero 11, may lima lamang ka volcanic quakes kag tatlo ka ash emission nga naglawig sang 46 tubtob 80 minutos; sang Enero 12, may 2 ka volcanic quakes kag apat ka ash emission nga naglawig sang 10 tubtob 96 minutos; kag sang Enero 13, wala sang narecord nga volcanic quakes aang may duha ka ash emissions.
Ang 14 hours record ang hinali nga nagtimbook sang Enero 14 kun sa diin nakarecord sang 78 volcanic earthquakes, apang wala sang ash emission; kag sang Enero 15 nga may duha ka ash emission nga naglawig sang 23 tubtob 168 minutos kag may 46 ka narecord nga volcanic earthquakes.
Suno kay Bacolcol, ang pagsaka sang ash emissions kag volcanic quakes ang patimaan nga mas nagadamo ang aktibidad sa sulod sang bulkan.
Paathag sini nga ginatunaw sang magma ang mga bato, kag nagataas ang pressure nga nagapangita sang masungawan.
Apang pahanumdom sini nga inkaso magnubo ang mga aktibidad, ini ang wala nagakahulugan nga mahimo na mangin kampante.
Suno kay Bacolcol, tubtob nga yara pa sa Alert Level 2 ang status sang bulkan, nagapabilin man ang posibilidad nga ini ang magalupok ano man nga oras.
Gani padayun nga ginapanugyan ang pag-aligmat, samtang ang mga ahensya sang gobyerno ang magamonitor man sa aktibidad sang Bulkan.
