Narecover sa banwa sang Hinigaran ang halos kalabera na nga biktima nga naanod sang flashflood sa Isabela sang kasagsagan sang Bagyo TINO sang Nobyembre 2025.
Ang biktima ang ginkilala nga si Dennis Sellado, 51 anyos, kasado, negosyante kag residente sang Burgos Street, Brgy 4, Hinigaran, Negros Occidental.
Sa interview sang Bombo Radyo Bacolod kay Police Lt Col Jovil Sedel, hepe sang Hinigaran Municipal Police Station, ang kalabera ang nasapwan sa nagatapas sang tubo ang kalabera kag gilayon nga ginreport sa kapulisan.
Ang kalansay ang wala sang panapton, apang sila ang nakakita sang sling bag malapit sa lawas sang biktima kun sa diin ini ang may-ara sang Identification Card.
Gilayon man nila nga gincontact ang asawa sang biktima nga si Sherelyn Sellado, nga nagkumpirmar sang identity sang iya bana.
Suno kay Sedel, ang biktima ang naanod sang flashflood samtang yara sa taytay gallo sa Brgy 5, Isabela.
Dala sini ang iya nga pickup, apang mahimo naggwa kag naanod, bangod nabilin lamang sa lugar sadto amo ang iya salakyan.
