Estable na ang kondisyon sang isa ka priso nga ginbuno sang apat ka persona nga lunsay mga priso man sa Negros Occidental District Jail sa Bago City, kahapon alas- 7:00 sang aga.
Ginsulod sang apat ka mga priso ang selda sang biktima kag ini ang ginpulihan buno.
Nahingagaw sang jail guards nga madala sa ospital ang biktima nga nag-agom sang multiple stab wounds.
Natumod nga improvised ice peak ang gingamit sang apat ka priso sa pagpamuno.
Sa interview sang Bombo Radyo Bacolod kay Bureau of Jail Management and Penology – Negros Island Region Spokesperson Jail Senior Inspector Juniven Umadhay, nag-ayo na sila nga matransfer ang biktima sa iban nga jail facility para sa safety sini.
Suno diri, gina-imbestigaran pa ang posibilidad nga may iban pa gid nga person deprived of liberty (PDLs) nga involved sa insidente bangod posible nga ginsugo lang ang apat.
Ginalantaw nga rason sa pagpamuno amo ang pagkwestyon sang biktima sa paggamit sang kwarta sang ila nga pangkat.
Nagpasalig na ang NODJ nga pasanyogon pa ang greyhound operations kag searching sa mga nagasulod nga bisita agud malikawan ang pagsulod sang mga kontrabando.
Samtang, forfeited naman ang probation kag parole sang apat.
