Patay ang isa ka miyembro sang LGBT matapos ginbuno sang iya live-in partner bangud lamang sa damang sa New Stockyard, Brgy. 1, banwa sang Moises Padilla, Negros Occidental pasado alas-12:00 kahapon sang udto, Enero 20.
Sa interview sang Bombo Radyo kay Police Major Ryan Villasario, hepe sang Moises Padilla Municipal Police Station, ginkilala ang biktima nga si Joela Baguio alyas “Inday,” 28-anyos, LGBT member; samtang ang suspect naman ang ginkilala nga si Anthony Porras alyas “Kalbo,” 26-anyos, kag lunsay residente sa nasambit nga lugar.
Suno kay Villasario, ginalegar nga bangud lamang sa damang nga nadakpan nila sang nakaligad nga adlaw nagluntad ang indi paghangpanay sa duha.
Samtang nagabaisay, nakita mismo sang utod sang suspect ang pagpangbuno sini sang makapila ka beses sa iya live-in partner.
Suno diri, ang maglive-i partner ang yara sa impluwensya sang makahulubog nga ilimnon.
Ginhingagaw pa dala ang biktima sa Isabela District Hospital para sa nagakaigo nga pagbulong apang ini ang ginbawian sang kabuhi.
Ang biktima ang naka-agom sang madamo nga stab wounds nga nagresulta sang iya kamatayon.
Samtang ang suspect ang nakapalagyo matapos ang krimen.
Sa karun, padayun pa ang paglagas sang mga otoridad agud nga madakpan ang suspect.
