Pasakaan sang kaso nga Obstruction of Justice ang asawa sang suspect nga nagtiro patay sa witness sa pagtiro sang mag-utod nga si Harold kag Harly Espina sang Setyembre tinalikdan nga tuig sa Prk Active, Brgy Mandalagan, Bacolod City.
Madumduman nga wala na sang kabuhi sang maabtan sang mga kapulisan ang 22-anyos nga si Alyas Kalbo pasado alas-12:00 kahapon sang kaagahon.
Sa interview sang Bombo Radyo kay PLt Benjo Ballo Allo, Officer in Charge sang Bacolod Police Station 3, ginpahayag sini nga sang papalapit na ang mga kapuilsan sa lugar nga ginataguan sang suspect samtang nagapatigayon sang hot pursuit operation kahapon, gulpi lang nagsinggit ang asawa sini rason nga ang iya bana ang nakapalagyo.
Suno kay Ballo Allo, nagpalupok pa ang suspect sa mga kapulisan antes naplagyo, samtang ang asawa ang kasunod man nga nagpalagyo.
Nagpasalamat na lamang si Ballo Allo nga wala sang nasamaran sa tropa.
Bangud sini, ang asawa ang pasakaan sang kaso nga obstruction of justice.
Panawagan sini sa mga pumuluyo malapit sa lugar kag nakakilala sa suspect nga kun may impormasyon gilayon nga ireport sa Police Station 3.
Bangud suno diri, indi na dapat paghulaton nga may mabiktima pa nga iban ang suspect.
