Ginpahayag ni Congressman Wilfrido Mark Enverga, Chairman sa House Committee on Agriculture and Food, nga ang Public Consultation nga ginpatigayon kahapon sa Talisay City, Negros Occidental ang pamaagi agud mapadangat sa Kamara ang mga problema sa sugar industry.
Suno kay Enverga, ang amo nga konsultasyon ang mangin tikang agud mapalab-ot sa Kongreso ang plano nga patigayunon nga inquiry in aid of legislation.
Suno diri, ini nga proseso ang ginapatigayon agud nga matutukan ang mga major concern sang mga stakeholders, kag pasalig sini nga ang konsultasyon ang indi lang magapabilin nga diskusyon kundi ini ang mapalab-ot kag matalakay sa Kamara, kag mahatagan sang pagtamod sang national goverment ang mga problema.
Pahayag sini nga maayu ang rekomendasyon ni former Negros Occidental governor Lito Coscolluela nga magpatigayon sang consultative assembly antes ang milling season agud madiskusyunan ang problema sang sugar industry.
Ginaluaman sini nga amo nga mekanismo ang makasulbar sa problema sang sugar industry kag makahatag sang kaayuhan sa tanan nga apektado nga mga sugar planters.
