Ginpasalamatan ni Philippine Coast Guard (PCG) Commandant Admiral Ronnie Gil Gavan ang pagkabaganihan nga ginpakita sang Negrense nga kapitan sa M/V Devon Bay.
Suno kay Gavan, wala gid ginbayaan ni Elimar Jucal ang mga crew sang naglugdang ang barko sa Bajo de Masinloc sang Enero 22.
Suno diri, makabig nga inspirasyon si Jucal bangud sa iya nga pag-atubang sa peligro agud nga maluwas ang mga pasahero kag crew sang M/V Devon Bay.
Magluwas kay Capt. Jucal, may duha man ka Negrense nga crew sang barko apang sila ang nakaluwas.
Ang apat ka missing ginalakipan nanday Jucal, third mate, third engineer kag isa ka oiler.
Madumduman nga duha ang napatay samtang na-rescue ang 15 sang search and rescue teams upod ang China Coast Guard (CCG).
Padayon sa gihapon ang pagpangita sa tatlo ka mga crew members nga nagapabilin missing.
