Nagpasalig ang Department of Agriculture sa publiko nga wala sang rice shortage apisar sang malaba nga linya sang mga retailers sa pila ka rice mills sa Bocaue, Bulacan.
Naggwa online ang mga report nga nabudlayan ang mga retailers sa pagkuha sang rice supply bangud bilog nga gab-i nga nagapila ang mga traders agud lang makakuha sang limitado nga volume.
Ginpahayag sang importers nga kalabanan sang mga import ang wala pa naka-abot sa pungsod bangud sang katapusan lang sang 2025 ginbawi ang ban.
Ang mga nag-abot naman nga imported rice ang mahinay nga gina-release sang ports.
Bangud sini, nagapanawagan sila sa gobyerno nga padasigon ang pagpagwa sang bugas.
Suno naman kay Agriculture spokesperson Arnel de Mesa, natural lamang ang pilahay sa rice mills bangud nagbalik na ang importation.
