Hugot nga ginpamatukan ni Presidente Ferdinand Marcos Jr. ang panawagan nga ideklarar nga persona non grata ang Chinese Ambassador sa Pilipinas.
Sa tunga ini sang issue sa agaway sang teritoryo sa West Philippine Sea kag ang bayluhanay sang mga pahayag sa tunga sang pila ka mga opisyal sang Pilipinas kag sang Embahada sang China.
Suno kay Presidential Communications Office Undersecretary Claire Castro, wala nagapabor ang Presidente nga ideklarar nga persona non grata si Chinese Ambassador to the Philippines Jing Quan.
Suno kay Castro nga luyag sang presidente nga mapatuman ang diplomasya sa kaangay sini nga mga topiko.
Ginpahayag man sang Department of Foreign Affairs nga mahimo ini nga magtuga sang indi maayo nga implikasyon kaangay sang pagbalos sa iban nga butang gani kinahanglan anay nga lantawon sang maayo.
