Pilason ang driver sang multicab matapos aksidente nga nakabunggo sa nakapark nga truck sa San Juan Street, Prk Maabi abihon, Brgy Banago, Bacolod City alas-11:34 kagab-i.
Ang driver sang multicab ang ginkilala nga si Zerlen Magbanua, 36 anyos, residente sang Eroreco, Brgy Mandalagan; samtang ang driver sang Foton Truck ang ginkilala nga si alyas Bayotas, 38 anyos, residente sang banwa sang Calatrava, Negros Occidental.
Sa interview sang Bombo Radyo Bacolod kay Police Major Elmer Bonilla, head sang Traffic Enforcement Unit sang Bacolod City Police Office, ang multicab ang nagabyahe gikan sa sur padulong sa norte nga dereksyon.
Kun sa diin aksidente sini nga nabunggu-an ang likod sang nakapark nga truck.
Si Magbanua ang natumod nga yara sa impluwensya sang makahulubog nga ilimnon.
Suno kay Bonilla, masanag man ang area kun sa diin nakapark ang truck.
Nakaangkon pa sang kabudlayan sa pagkuha sang biktima, nga nag-agom sang samad sa nagkalainlain nga bahin sang iya lawas.
Ang biktima ang ginhingagaw dala sa Regional Hospital para sa nagakaigo nga pagbulong.
