Ginasaulog subong nga adlaw ang 60th Charter Anniversary sang ciudad sang Bago.
Ang event ang gin-umpisahan sang flag ceremony sa Bago City Hall kag gamay nga programa.
Kasunod sini, ginpatigayon na ang Civic Military Parade nga ginpangunahan ni Bago City Mayor Marina Javellana-Yao.
Yara man ang mga opisyales sang ciudad kag Barangay officials gikan sa 24 ka Barangay, nga nakasuksok sang barong kag modern Filipiniana.
Ang parada ang ginpangunahan sang mga law enforcement organizations kaangay sang kapulisan kag fire personnel.
Yara man ang mga Reserved Officer Training Corps (ROTC) gikan sa mga eskwelahan kasubong man ang mga school bands.
Madamo man sang mga pumuluyo nga nagbantay sa kilid sang dalan agud saksihan ang Civic Military Parade.
Sila ang nagparada padulong sa Panaad Park and Stadium, kun sa diin may ginplastar nga aktibidad kaangay sang overflow concert ni Dionela.
Nagpatigayon man sang street dance competition ang anom ka clusters gikan sa 24 ka Barangay, samtang ang arena competition ang ginpatigayon naman sa Bago City Coliseum.
