Dakop sa drug buybust operation nga ginpatigayon sa Progresso Village 1, Zone 1, Brgy Vista Alegre, Bacolod City ang isa ka 30 anyos nga lalaki kag isa ka menor de edad.
Ang operasyonn ang ginpatigayon sang Special Drug Enforcement Team sang Bacolod Police Station 7 alas-8:12 sang Martes sang gab-i.
Ang suspect ang ginkilala nga si Hernanie Ditchon, single, 30 anyos, residente sang Block 42, Ariring, Arao, Brgy Vista Alegre kag isa ka ginakabig nga children in conflict with the law (CICL).
Narecover sa ila ang 21 ka sachet sang suspected shabu nga ginabanta nagabug-at sang 9 grams nga may standard drug price nga P61,200.
Si Ditchon ang nakahunong na sa Bacolod Police Station 7, samtang ang menor de edad ang ginturn-over naman sa Social Development Center (SDC) – Bacolod City para sa protective custody.
