Ginkumpirmar ni Ombudsman Jesus Crispin Remulla nga nakighinun-anon siya sa mga katapo sang International Criminal Court kasunod sang pahayag sang gina-alegar 18 ka anay Marines.
Madumduman nga sa isa ka joint affidavit nga ginrefer sa Office of the Ombudsman sang nakaligad nga Dominggo, gintanyag sang abogado nga si Levi Baligod kag sang 18 ka indibidwal nga gina-alegar nagpakig-angot si Remulla sa mga katapo sang ICC sang ini pa ang Justice Secretary.
Ginpaathag ni Baligod nga nagtuga ini sang “undue damage” sa gobyerno kag posible nga may natabo nga “conspiracy” ukon “collusion” sa ICC.
Diretso nga ginsabat ni Remulla ang mga alegasyon nga nakighinun-anon siya sa ICC apang natabo ini sang tinalikdan pa nga tuig matapos ang Marso, kag wala pa sang isa ka tuig ang nakaligad.
Ini ang iya sabat sa pamangkot kun natabo ini matapos nga gin-aresto si anay presidente Rodrigo Duterte.
Suno kay Remulla, importante nga protektahan ang mga testigo apang importante man nga usisaon ang alegasyon sang 18 ka indibidwal gani luyag niya kuhaon ang tagsa ka affidavit sang 18 bangud seryoso ang mga alegasyon, apisar nalakip si Remilla sa ginhingadlan.
Madumduman nga sang nakaligad nga Dominggo, ginpanginwala man sang Office of the Prosecutor (OTP) sang ICC ang mga alegasyon sang “collusion” kag “conspiracy” sa Philippine Government.
Sa pahayag sang Philippine Navy nga apat sa 18 ka indibidwal ang wala nangin myembro sang ila nga hanay samtang ang iban naman ang nadismis sa serbisyo nga may-ara sang dishonorable discharge.
Santo naman sa iban nga analyst, wala layi sa pungsod nga nagabawal sa pagpakig-angot sa ICC kag ginpahayag man sang Malacanyang nga oligado sila nga ipatuman ang mga arrest waarrant nga ginapaguwa sang ICC.
