-- ADVERTISEMENT --
Ginbuyagyag sang grupo nga nagpakilala nga “ex-Marines” sa hearing sang Senado kahapon, nga nakigkita si anay House Speaker Martin Romualdez kag former Senator Antonio Trillanes IV sa mga imbestigador sang International Criminal Court (ICC).
Suno sa testigo, nga anay tinawo ni former Congressman Zaldy Co, nakighinun-anon si Trillanes sa isa ka hotel sa Makati, samtang si Romualdez kag Co ang nakigkita sa mga foreigner sa isa ka townhouse sa McKinley.
Madumduman nga ginpanginwala na ni Trillanes ang mga alegasyon kasubong man sang ICC nga nagpahayag nga wala sila ginapondohan sang lokal nga mga politiko.
