Ginpahayag ni US President Donald Trump nga ulihi na ang tanan para sa pagpakig-angot sa Iran kag nagpaandam nga may yara pa sang madamo nga bala ang Estados Unidos para sa pagbato batok sa pagpang-atake sang Iran.
Sa social media post ni Trump, ginsiling niya nga naguba na ang military leadership kag depensa sang Iran.
Samtang gin-ako man niya nga apisar kulang sang pila ka high-grade nga munisyon bangud sa pagsuporta sa Ukraine, ginpahayag niya nga preparado gihapon ang Estados Unidos nga malutos ang Iran.
Naglapta na ang giyera sa Middle East matapos ang pag-atake sang Estados Unidos kag Israel sa Iran nga nakapatay sa Iranian Supreme Leader nga si Ali Khamenei kag iban pa nga opisyal.
Ginpahibalo sang Estados Unidos ang mga pumuluyo nga mag-amat-amat na halin sa rehiyon samtang indi pa mapat-od kun tubtob san-o ang gyera.
