Lauman ang posible nga pagsaka sa presyo sang gatong sang tubtob P10 kada litro sa masunod nga mga semana bangud sa nagapadayon nga tensyon sa tunga sang United States kag Iran.
Ini ang ginpahayag sang Department of Energy – Oil Industry Management Bureau (DOE-OIMB) kahapon sang Martes.
Suno kay Department of Energy – Oil Industry Management Bureau director Rino Abad, kun maglab-ot sa US$20 ang pagsaka per barrel, may ara sang posible P7 tubtob P10 kada litro nga pagtaas.
Dugang pa, sa subong may pagsaka na nga P5 tubtob P10 kada litro ang epekto sang una nga trading bangud sa adjustments sang MOPS price.
Samtang suno kay Abad, nagakoordinar na ang DOE sa Department of Transportation (DOTr) kag Department of Agriculture (DA) angut sa posible nga pag-release sang fuel subsidies.
Bangud sa nagapadayon nga tensyon sang US kag Israel batok sa Iran, napilitan nga magsira ang pila kaa mga oil kag gas facilities sa rehiyon nga nakaapekto sa shipping sa Strait of Hormuz.
