Aminado ang nagdaog sa semifinals sang boxing sa Negros Island Region Athletic Association Meet 2026 nga nakulbaan ini apang ini ang excited man.
Ginlutos ni John Christoff Valdez sang Silay City ang pambato sang Siquijor.
Sa hampang makita nga ginpaluhod ni Valdez ang iya nga kasumpong.
Siya ang nagdaog via knock-out sa round 1 pa lamang sang hampang.
Natalana sini nga makasumpong ang pambato sang Negros Occidental sa finals sang boxing nga patigayunon subong nga adlaw.
Suno kay Valdez, nakita man sini ang hampang sang player sang Negros Occidental gani himuon nalang sini ang iya masarangan agud nga magdaog.
Suno diri, nalipay siya sa iya nga performance bangud nga nakalab-ot ini sa semifinals sang regional meet sa patag sang boxing apisar nga mapabakod pa ang mga kontra sini.
Siya ang 5 years na ini nga nagahampang sa boxing kag tinguhaan sini nga tuig nga makahampang sa Palarong Pambansa.
Suno diri, luyag niya gid nga makahampang sa Palarong Pambansa para sa iya pamilya, para sa iya kasubong man sa iya nga mga coaches.
Ginpasalamatan sini ang suporta sang iya pamilya kag nakita man sini nga nalipay man ang mga ini sa iya nga performance.
Samtang, handum man sang isa pa ka nagdaog sa semifinals sa boxing sa NIRAA Meet 2026 nga makakuha sang gold medal sa Palarong Pambansa agud nga malakip sa Philippine National Team.
Sa interview sang Bombo Radyo Bacolod kay May John Enemido, rising star, Batang Pinoy Gold Medalist nga gikan sa Bayawan City, nagapasalamat ini sa suporta ni Bayawan City Mayor John Raymond Jr kag sang iya nga pamilya.
Suno kay Enemido ginhimo sini ang iya nga masarangan sa semifinals kun sa diin nagdaog siya batok kay Romel Fernandez sang Negros Occidental.
Suno diri, makapila ini ka beses nga maghampang sa Western Visayas Regional Athletic Association (WVRAA) Meet nga nakakuha sang bronze medal kag Palarong Pambansa nga bronze medal man ang nakuha samtang sa Batang Pinoy nakuha niya ang gold medal.
Suno kay Enmido, magluwas sa pamilya ang iya nga inspirasyon amo sini Filipino boxing legend Manny Pacquiao.
Handum sini nga makahampang sa Palarong Pambansa kag makakuha sang gold medal agud nga malakip sa Philippine Team sa patag sang boxing.
