Gintindugan ni US President Donald Trump nga indi ini interisado sa pagnegosyar sa Iran.
Ginpahayag man sini ang gyera sa Iran ang matapos lamang kun wala na nagafunction ang military power ukon kun maubos na ang liderato sang pungsod.
Suno kay Trump, wala sang pulos ang negosasyon kun napatay na tanan nga potential leaders sang Iran ukon kun magcollapse na ang Iranian military.
Pahayay ni Trump nga sila ang nag-ampo na sa negosasyon, kag nagapati ini nga wala naman sang mabilin nga makanegosyar.
Nahibaluan nga sa panugod sang ikaduha nga semana sang gyera kahapon, liwat nga nagbayluhanay sang missile strikes ang Israel kag Iran.
Nagpangayo naman sang pasaylo si Iraniang President Masoud Pezeshkian sa mga kaingod nga pungsod nga naapektuhan sang kinagamo kadungan sa panugyan nga indi mag-intra sa gyera.
Ginreject man sini ang panawagan ni Trump sa “unconditional surrender” nga ginlaragway sini nga nagadamgo lamang.
Apang suno sa Iranian President, nakasugtan sang iya leadership council ang pag-untat sang pag-atake sa mga kaingod nga pungsod, luwas na lamang kun gikan mismo sa ila teritoryo ang missiles.
