Naglunsyar ang Department of Energy (DOE) kaupod ang Department of Information and Communications Technology (DICT) sang isa ka electronic complaint platform pinaagi sa eReport tab sang eGOV PH App agud mas madali ang pagreklamo sang publiko batok sa mga gasolinahan nga nagalapas sa fuel pricing rules ukon nakaeksperyensya sang kakulang sang suplay sang gasolina.
Mahimo nga ma-report ang mga isyu kaangay sang pag-panic buying, fuel hoarding, hindi otorisado nga pagpasaka sang presyo, pagpamalibad sa pagbaligya sang produktong petrolyo, kag kakulang sang suplay.
Nagapakig-angot man ang DOE sa Department of Interior ang Local Government (DILG) kag Philippine National Police (PNP) agud mas mahugot ang pagmonitor batok sa hoarding kag profiteering, ilabi na matapos makabaton sang mga report nga posible nga mangin iregularidad sa iban nga bahin sang Luzon kag Mindanao.
Ang ini nga tikang ang may kaangtanan sa tensyon sa Middle East kag sa pagsarado sang Strait of Hormuz, isa ka pinakaimportante nga ruta sang pagbiyahe sang langis sa tunga sang Oman kag Iran, nga mahimo makaapekto sa suplay kag presyo sang petrolyo.
Nagpagwa man ang DOE sang price range sang mga produktong petroyo humalin sang Marso 6 tubtob Marso 9 agud malikawan ang tuman ka dako nga pagsaka sang presyo sa mga gasolinahan.
