Prangka nga ginpahayag ni U.S. President Donald Trump nga ang masunod nga supreme leader sang Iran ang kinahanglan anay aprubahan sang Estados Unidos bangud kun hindi, ang bag-o nga supreme leader ang indi magadugay.
Dugang pa diri, luyag niya nga malikawan ang nakaligad nga kahimtangan sang Iran matapos ang pagpangbomba sang Estados Unidos sa tatlo ka nuclear facilities sang Iran sang tinalikdan nga Hulyo 22, 2025.
Suno kay U.S. President Trump, mahimo pahanugutan niya ang bag-o nga supreme leader apisar konektado sa old regime kun ini ang mangin maayo man nga lider.
Dugang pa niya, gina-alegar may plano ang Iran nga kontrolon ang kabug-usan nga Middle East nga suno sa iya napunggan ini sang Amerika.
Wala man naghatag sang eksakto nga timeline si Trump kun tubtob san-o magatakop ang gyera, apang suno diri, “ahead of schedule” ang operasyon sang U.S.
