-- ADVERTISEMENT --
Ginpahibalo sang Iran nga wala gid sang bisan ano nga pag-istoryahanay ukon negosasyon nga natabo kaupod ang Estados Unidos humalin sang nagluntad ang tensyon sa Middle East.
Ginpanginwala sang gobyerno sang Tehran ang alegasyon pinaagi sa isa ka state affiliated media.
Ang ini nga pahayag ang ila ginpagwa matapos magpahayag si US President Donald Trump nga may “very good and productive conversations” sila sang Iran para sa kompleto kag bug-os nga pagresolbar sang kinagamo.
Madumduman nga nagpagwa sang statement si Trump nga hatagan niya sang ultimatum ang Iran agud buksan ang Strait of Hormuz apang iya ini ginbawi kahapon bangud suno diri, nakighinu-anon ang Iran sa Estados Unidos.
