Pila ka nuclear facilities sang Iran, liwat nga gin-atake sang Israel

Gin-atake sang Israel ang pila ka mga nuclear facilities sang Iran kahapon.

Gilayon man nga nagpagwa sang statement ang Iran matapos ang pag-atake kag nagpamahog ini nga magabalos sa Israel.

Santo sa report, gintarget sang Israel ang isa ka heavy-water plant kag yellowcake production.Ang yellowcake ang isa ka concentrated form sang uranium matapos makakas ang mga higko sa raw ore.

Nagpamahog ang Islamic Revolutionary Guard Corps nga sila ang magatimalos sa mga pag-atake sa ila mga nuclear facilities.

Suno naman kay Seyed Majid Moosavi, IRGC Aerospace Force commander, ang mga empleyado nga may kaangtanan sa Estados Unidos kag Israel ang dapat magbiya na sa ila nga mga ubra.