Patay ang lima ka katapo sang Philippine National Police (PNP) samtang tatlo naman ang napilasan matapos ang mga ini gin-ambush sa Shariff Aguak, Maguindanao del Sur, kagab-i, Marso 28,2026.
Sa inisyal nga imbestigasyon sang mga kapulisan, naga-conduct sang patrol ang mga biktima sang hinali lang ginpaulanan sang bala ang ginasakyan sang mga ini.
Hugot naman nga ginakondena sang Bangsamoro Government ang amo nga pagpang-atake kag nagpasalig ang mga ini nga manabat ang mga indibidwal nga sa likod sang amo nga krimen.
Ang mga napatay ang ginkilala nga sanday Patrolman Kenneth Perocho; Patrolman Al-Fatah Marohom; Patrolman Amil Bangsa; Patrolman Arsenal Sivih kag PatrolmanSayed Ridwan samtang ang mga napilasan ang ginkilala nga sanday Police Lieutenant Alfred Gregory; Police Staff Sergeant Adam Kamarudin Kansi kag Patrolman Abubakar Lauban.
Nagpalab-ot man ang mga ini sang pagpakig-unong sa pamilya sang mga biktima kag handa ang mga ini nga maghatag sang nagakaigo nga bulig.
Nagpanawagan man ang mga ini sa mga pumuluyo sa amo nga rehiyon sang Bangsamoro nga mangin kalmado santang nagapadayon ang imbestigasyon.
