Nagpadayon gihapon ang paglukpanay sa pila ka bahin sa Middle East apisar may yara na sang ginkasugtan nga two-week ceasefire ang Estados Unidos, Israel, kag Iran.
Naglunsyar ang Israel sang madako nga pag-atake sa Lebanon nga gina-target ang Iran-backed Hezbollah militia.
Nagresulta ini sa pagkapatay sang mga sibiliyan kag pagkaguba sang mga imprastraktura.
Sa baylo, ginakonsiderar sang Iran ang posible nga pagtimalos sa Israel.
Naglunsyar naman sang pagpang-atake ang Iran sa mga oil facilities sa mga gulf countries lakip na ang madako nga pipeline sang Saudi Arabia nga gina-alegar gingamit para sa pag-bypass sang sirado nga Strait of Hormuz, santo sa isa ka oil industry source.
Nagreport naman ang Kuwait, Bahrain, kag UAE nga nakabaton sila sang missile kag drone attacks.
Samtang ang U.S. naman ang wala na nag-atake pa sa Iran apang preparado ini kun kinahanglan.
