Gin-appoint ang South Korean actor nga si Hyun Bin bilang honorary counterintelligence agent sang National Intelligence Service (NIS).
Ini ang ginkumpirmar sang agency ni Hyun Bin nga VAST Entertainment sa ila social media page.
Sang Martes, Abril 7, gin-report nga nag-enlist si Hyun Bin sa South Korean agency agud makabulig sa publiko nga mas ipahangop ang kahulugan kag importansya sang counterintelligence, nga sang tinalikdan, ginkonsiderar nga involved sa pag-aresto sang North Korean spies.
Suno sa NIS, ini kasunod sang revision sang Criminal Act sang nagligad nga Pebrero nga naglapad ang sakop sang espionage crimes halin sa “enemy country” padulong sa “foreign countries” nga nagaprotektasa South Korea batuk sa nagadamo nga foreign spying acts indi lamang sa North Korea.
Bilang kabahin sang iya bag-o nga papel, si Hyun Bin ang ginalauman nga magtrabaho sa NIS sa public awareness campaigns kag makigbahin sa promotional efforts nga may kaangtanan sa counterintelligence policies.
Sang nagligad, gindala sang aktor ang papel sang isa ka NIS agent nga nagtrabaho upod sa diplomat sa pag-rescue sang South Korean hostages halin sa militant group sa Middle East sa pelikula nga The Point Men sang 2013.
