Para sa presidente sang Pagkakaisa ng mga Samahan ng Tsuper at Opereytor Nationwide (PISTON) minimal lamang ang mangin epekto sang kapin P20 nga pagnubo sa presyo sang diesel.
Lauman ang P20.89 nga decrease sa kada litro sang diesel, P4.43 nga decrease sa kada litro sang gasolina kag P8.50 naman nga pagnubo sa kada litro sang kerosene.
Sa interview sang Bombo Radyo Bacolod kay Modesto Floranda, bisan may yara sang kapin P20 nga rollback mahampang sa gihapon sa masobra P100 ang presyo sang diesel apang ang panawagan nila amo nga mabalik sa kapin P55 ang presyo kaangay sa presyohanay sang wala pa nag-umpisa ang giyera sang US, Israel kag Iran.
Suno diri, didto sa ila sa Manila nagadalagan na sa kapin P130 tubtob P170 ang presyo sang produktong petrolyo kag kun kapin P20 lang ang ibuhin sa presyo, ginabanta mangin P150 ang presyo diesel kag kaangay nga indi gid man dako ang epekto.
Dugang pa ni Floranda, sa karun nga wala nangin madinalag-on ang pag-esturyhanay sang US kag Iran posible nga may yara na naman sang manubo lang nga rollback apang may bigtime oil price hike.
Pahayag sini, may yara sila sang patigayonon nga transport strike kag rally protesta sa Miyerkules agud ipanawagan sa Marcos administration nga ibasura ang Oil Deregulation Law kag ibalik ang presyo sadto.
