Pilason ang duha ka magpakaisa sa natabo nga stabbing incident sa Purok 3 Barangay Minoyan, Murcia, Negros Occidental sang Biyernes, alas- 7:50 sang gab-i kun sa diin ang suspek amo ang ila mga tiyo.
Ang mga biktima amo sanday Alias Jeferson, 33 anyos kag Alias John Carl, 24 anyos.
Samtang ang mga suspek naman amo sanday Alias William, 46 anyos; Alias Julius, 44 anyos; kag Alias Reynaldo, 56 anyos, lunsay mga residente sang nasambit nga brgy.
Sa interview sang Bombo Radyo Bacolod kay Police Captain Honey Labaro, hepe sang Murcia Municipal Police Station, madugay na nga wala naga-intindihanay ang pamilya kag sang Biyernes may natabo nga pagkomprontahanay.
May natabo nga komosyon sa higad sang dalan kun sa diin nag-away ang magpamilya.
Suno diri, ginbuno ni Julius sa tiyan ang iya hinablos nga si Jefferson kag sang nakita sang amay nga si Reynaldo nga nabun-an ang iya bata, nagkuha ini sang binangon kag ginlabo si John Carl nga naigoan sa dulunggan.
Gilayon nga gindala ospital ang mga napilasan nga sa karun yara na sa estable nga kondisyon.
