Dako ang pagpasalamat sang isa ka operator sang modernized jeepney sa Bacolod City matapos nga ini ang naaprubahan nga mangin isa sa beneficiary sang Service Contracting Program sang Land Transportation Franchising and Regulatory Board (LTFRB) kag Department of Transportation ukon DOTR.
Sa interview sang Bombo Radyo Bacolod kay Ma. Corazon Ocalinas, operator sang Choret Corporation, ang mga qualified amo ang mga legal entity kun sa diin nag-submit sila application online kag gina-evaluate sang central office sang DOTR kag LTFRB.
Suno kay Ocalinas, sa tion nga mga naaprubahan na sila sang system kag may Go signal na, qualified na sila sa pagpatuman sang 20 tubtob 40 percent sa mga pasahero.
Ang mga regular nga pasahero ang maka-avail sang 20 percent samtang 40 percent naman ang discount nga ma-avail sang PWD kag senior citizens kasubong man ang mga estudyante.
Suno diri, agud nga masiguro nga mamonitor ang dalagan sang mga units may ginpa-apply naman sila nga mga konduktor agud nga mangin inspector.
Suno diri ang mga inspector ang naga-scan sang mga QR codes agud nga makita ang detalye sang salakyan kag ang kilometros nga gindalagan sini.
Ginhatagan sila sang lima ka adlaw sa isa ka semana agud nga magpatuman sang nasambit nga programa.
May tarpauline man nga ginabutang sa jeepney units agud nga mahibaluan nga ini ang sa idalom sang nasambit nga programa.
Sa idalom sang service contracting program, magluwas sa revenue sang mga drivers pagabayran sila sang gobyerno sang P40 per kilometer kag Ang maximum amo ang 100 kilometers.
Ginpahayag man ni Ocalinas nga Kun ano lang ang unit nga gin-aprubahan sa pagpatuman sang service contracting program amo lang ang qualified Indi na sila mahimo nagdugang.
Panawagan sini nga kuntani mapadayon ang programa agud madamo man sang mabuligan apisar Gamay lang apang ini ang makapiyan-piyan.
Nahibaluan nga ginpatuman sang gobyerno ang Service Contracting Program agud nga mapahagan-hagan ang epekto sang pagsaka sang presyo sang gatong ilabi na sa diesel.
