Nagpaandam ang Department of Energy (DOE) nga posible magsaka ang presyo sang langis sa masunod nga semana, bangud sa padayon nga pagluya sang peso batok sa dolyar.
Suno kay Energy Secretary Sharon Garin, base sa initial movement sang global oil trading, may yara sang upward trend sa presyo sang krudo apisar nga tatlo pa lang ka adlaw ang datos.
Sunod diri, may posibilidad nga magsaka ang presyo sang langis kon magpadayon ang subong nga trend.
Ginalauman naman sang mga kompaniya ang liwat nga price hike sa madason nga semana.
Base sa duha ka adlaw nga trading sa Mean of Platts Singapore, lauman ang pagsaka sang presyo sang diesel sa P1 tubtob P3 kada litro, samtang ang gasolina ang mahimo magsaka sang P1 tubtub P2 kada litro.
Apang padayon sa gihapon nga ginamonitor sang DOE ang paghulag sang global market kag ginahulat ang final trading results antes makumpirmar ang eksakto nga pagsaka sang presyo.
