Malipayon nga gin-anunsyar sang actor-director nga si Xian Lim nga siya ang magagradwar na sa De La Salle–College of Saint Benilde sa Hulyo matapos ang pila ka tuig nga handum nga makakuha sang college degree.
Ginpakigbahin ni Xian ang iya personal milestone sa Instagram sang Dominggo, kun sa diin ginpakita sini ang iya college life lakip na ang recital, thesis defense kag pagpatukar sang mga instrumento.
Pahayag sang actor nga 15 years siya nagatrabaho sa entertaiment industry bilang full time actor gani napabay-an sini ang iya pag-eskwela kag kinahanglan niya nga mag-untat.
Aminado si Xian nga nahadlok kag nahuya siya nga magbalik sa eskwela bangud ginapaminsar sini nga ulihi na tanan.
Apang, indi ini makapati nga siya ang magagradwar na sa kurso nga Music Production sa De La Salle–College of Saint Benilde sa Hulyo 4, 2026.
Tuman ang iya pagpasalamat nga siya ang nangin kabahin sa ETEEAP program.
Suno diri, siya ang nagsugod eskwela sa nasambit nga kolehiyo sang Pebrero 2025.
Luwas diri, nakuha man sang actor ang iya commercial pilot license sang Hunyo 2025.
