Na-alarma ang alkalde sang ciudad sang Sagay kasunod sa mga report nga pagpangbastos sang pila ka mga tricycle drivers sa mga estudyante.
Sa interview sang Bombo Radyo kay Mayor Leo Rafael Cueva, nagpadulong sa iya opisina ang presidente sang State University of Northern Negros para ipahibalo nga pila ka estudyante ang naka-eksperyensya sang sexual harassment gikan sa mga tricycle drivers.
Suno diri, nagpatawag siya sang meeting kaupod ang Peace and Order Committee, Sagay City Police Station kag Tricycle Operators and Drivers Association para mesturyahan ang solusyon.
Suno kay Cueva, plano nga dugangan ang CCTV malapit sa buluthuan padulong sa mga strategic areas kag ginpanugyan sini sa mga estudyante nga kuhaan sang picture ang number sang tricycle nga ginsakyan kag isend sa mga kakilala kag mas maayo kun grupohay na lang nga magbyahe sang sa nga naga-isahanon.
Pahayag sini, ireport kun may naeksperyensyahan nga pagpangbastos kag tandaan kun sin-o ang perpetrator agud makilal-an kag madakpan.
