Isa ka pinasahi nga beauty trend ang nangin sentro sang topiko subong sa social media nga ginatawag nga “high skull”, sa diin ginadugangan ang kataason sang ulo agud mas mangin “attractive” ang facial structure sang isa ka indibidwal.
Madamo na sang nagpaidalom sa nasambit nga beauty trend paagi sa surgery apang ang iban ang nagahimo sang nagkalain-lain nga pamaagi agud makahimo sang ilusyon nga “high skull”, kaangay sang hair styling tricks kag hair accessories, cosmetic procedures, hyaluronic acid injections, implants, kag mangin bone cement.
Ang iban ang nagapaidalom sa surgical “cranial augmentation”, sadiin ginahiwa ang anit kag butangan sang materyales sa idalom sang panit agud mapataas ang itsura sang ulo.
May yara man sang advanced implants kaangay sang 3D-printed materials kag metal plates.
Apang, nagapahanumdom naman ang mga eksperto nga ang tuman ka damo nga hyaluronic acid injections ang mahimo magresulta sa komplikasyon kaangay sang paghinay sang blood flow sa anit, nga posible magtuga sang permanente nga pagka-upaw.
Sa pihak sang mga paandam, padayon gihapon nga nangin trend ini sa online, nga kinakabig sang iban nga isa sa pinaka-sahi nga beauty craze subong.
