Magabukas na subong nga adlaw ang Palarong Pambansa 2026 subong nga adlaw, Mayo 24 sa Agusan del Sur.
Ang opening ceremony sang Palarong Pambansa 2026 maga-umpisa karun ala- 1:00 sang hapon sa Democrito O. Plaza (DOP) Memorial Sports Complex ukon Patin-ay Sports Complex sa Prosperidad, Agusan del Sur.
Igadul-ong ni Bombo Arjay kim Casipe ang latest update sa Palarong Pambansa 2026 bilangrepresentative para sa mga Ilonggo stations sang Bombo Radyo sa Visayas.
Ang 66th Palarong Pambansa nga ginatawag man nga ” 2026 Palaro Tu Agsur” ang magasugod subong nga adlaw, Mayo 24 kag magatakop sa Mayo 31.
Samtang, ginpahayag sang Schools Division Superintendent sang Department of Education (DepEd) Schools Division of Antique nga wala sang dako nga adjustment sa pagbiya sang Negros Occidental sa team sang Western Visayas sa Palarong Pambansa 2026.
Sa interview sang Bombo Radyo kay Ernesto Servillon Jr., target nila nga makuha ang kampyonato subong nga Palarong Pambansa amo nga desidido sila nga lutoson ang National Capital Region nga amo ang defending champion.
Suno diri, bisan nga wala na nalakip sa Western Visayas ang probinsya sang Negros Occidental, wala sang dalagko nga adjustment bangod namintinar man nila ang numero sang kinahanglanon nga athletes.
Sa pihak nga bahin, gindayaw sini ang preparasyon nga ginhatag para sa billeting areas sang mga delegasyon kun sa diin air condtioned ang kada kwarto, malimpyo ang comfort rooms kag hugot ang seguridad.
