Narecover sa 26 anyos nga iloy sang tatlo ka kabataan ang P1.36 million nga balor sang suspected shabu sa drug buybust operation nga ginpatigayon sa Purok Sigay, Barangay 2, Bacolod City alas-9:28 kagab-i.
Ang subject person ang ginkilala nga si Shainna Tacuyan, 26 anyos, single, wala sang trabaho kag residente sa lugar.
Narecover sa iya ang apat ka knot tied transparent plastic bag kag apat ka heat-sealed transparent plastic sachet sang suspected shabu.
Ini ang ginabanta nagabug-at sang 200 grams nga may standard drug price nga P1,360,000.
Ang suspect ang wala sa listahan sang Barangay Anti-Drug Abuse Council, kag ginakonsiderar Newly Identified Drug Personality, apang bangod sa kadakuon sang narecover nga suspected shabu, siya ang ginakonsiderar na nga High Value Individual.
Si Tacuyan ang nakahunong sa karun sa Bacolod Police Station 2, kag ginpasakaan sang kaso sa paglapas sa Republic Act 9165 ukon Comprehensive Dangerous Drugs Act of 2002 subong nga adlaw.
